રાજકોટ, 21 સપ્ટેમ્બર, 2026: ફોર્ચ્યુન ગ્લોબલ 500 કંપની અને મહારત્ન પીએસયુ, ભારત પેટ્રોલિયમ કોર્પોરેશન લિમિટેડ (BPCL) એ ઓપરેશનલ એક્સેલન્સને મજબૂત બનાવવાના તેના વ્યાપક પ્રયાસોના ભાગરૂપે બીપીસીએલ ના સમગ્ર એલપીજી નેટવર્કમાં અમલમાં મૂકવામાં આવેલા ‘ઝીરો કા દમ’ (ZKD) કાર્યક્રમ દ્વારા LPG સિલિન્ડરની ગુણવત્તા અને ગ્રાહક સુરક્ષા પર પોતાનું ધ્યાન વધુ મજબૂત બનાવ્યું છે.
‘ખામી મળી તો રિફિલ ફ્રી’’ પહેલ રાજકોટ શહેરમાં ગ્રાહકોની નજીક ગુણવત્તાની ખાતરી પહોંચાડે છે, જેમાં સ્પષ્ટ ખાતરી આપવામાં આવે છે કે જો ભારત ગેસ સિલિન્ડરની ડિલિવરીના સમયે તેમાં વાસ્તવિક ખામી જોવા મળે, તો ગ્રાહકોને મફત રિફિલ મળી શકે છે, જે લાગુ પડતા નિયમો અને શરતોને આધીન રહેશે.
‘ઝીરો કા દમ’ કાર્યક્રમ એ સુનિશ્ચિત કરવા માટે તૈયાર કરવામાં આવ્યો છે કે સિલિન્ડર ગ્રાહકના ઘર સુધી પહોંચે તે પહેલાં જ દરેક તબક્કે ગુણવત્તા જાળવવામાં આવે. આ કાર્યક્રમ અંતર્ગત, બીપીસીએલ ના LPG બોટલિંગ પ્લાન્ટ્સમાં નેશનલ એક્રિડિટેશન બોર્ડ ફોર સિર્ટીફીકેશન બોડીસ (NABCB) દ્વારા માન્યતા પ્રાપ્ત સ્વતંત્ર એજન્સીઓ દ્વારા કડક તૃતીય-પક્ષ પ્રમાણપત્ર ઓડિટ કરવામાં આવે છે. આ ઓડિટમાં પ્લાન્ટથી લઈને ગ્રાહક સુધી સિલિન્ડરની સફરના દરેક તબક્કાનું મૂલ્યાંકન કરવામાં આવે છે, જેમાં માત્ર ખામી રહિત અને ઉચ્ચ ગુણવત્તાવાળા સિલિન્ડર જ ગ્રાહકો સુધી પહોંચે તે સુનિશ્ચિત કરવા પર ધ્યાન કેન્દ્રિત કરવામાં આવે છે. અત્યાર સુધીમાં 55 એલપીજી બોટલિંગ પ્લાન્ટ્સે સફળતાપૂર્વક ‘ઝીરો કા દમ’ સર્ટિફિકેશન પ્રાપ્ત કર્યું છે.
આ પહેલ વિશે વાત કરતાં, શ્રી ટીવી પાંડિયન, બિઝનેસ હેડ (એલપીજી), બીપીસીએલ, એ જણાવ્યું હતું કે, “‘ઝીરો કા દમ’ કાર્યક્રમ ગુણવત્તા, ઓપરેશનલ એક્સેલન્સ અને ગ્રાહક સુરક્ષા પ્રત્યે બીપીસીએલ ની અડગ પ્રતિબદ્ધતાને પ્રતિબિંબિત કરે છે. કડક ગુણવત્તા તપાસ, જાળવણીની પદ્ધતિઓ, સુરક્ષા ચેકપોઇન્ટ્સ અને સ્વતંત્ર પ્રમાણપત્ર દ્વારા, અમે એલપીજી બોટલિંગ પ્લાન્ટથી લઈને ગ્રાહકના ઘર સુધી દરેક તબક્કે ગુણવત્તાને વધુ મજબૂત બનાવી રહ્યા છીએ. ‘ખામી મળી તો રિફિલ ફ્રી’’ની ખાતરી અમારા સિલિન્ડરની ગુણવત્તામાંના વિશ્વાસને વધુ દર્શાવે છે અને ગ્રાહક-પ્રથમ અભિગમને મજબૂત બનાવે છે. આ પહેલ અમારા એલપીજી બિઝનેસ યુનિટના સતત પ્રયાસોનું પરિણામ છે, જેનો હેતુ ખામી રહિત સિલિન્ડર પહોંચાડવાનો અને ગ્રાહકોનો વધુ વિશ્વાસ ઊભો કરવાનો છે.”
આ કાર્યક્રમમાં અદ્યતન ટેક્નોલોજી, કડક જાળવણી પદ્ધતિઓ, સુરક્ષા ચેકપોઇન્ટ્સ અને સ્વતંત્ર ગુણવત્તા પ્રમાણપત્રને એકસાથે લાવવામાં આવ્યા છે, જેથી એલપીજી બોટલિંગ કામગીરીમાં ઓપરેશનલ નિયંત્રણોને વધુ મજબૂત બનાવી શકાય. આ વ્યાપક અભિગમ બીપીસીએલને કડક ગુણવત્તા ધોરણો જાળવવામાં સક્ષમ બનાવે છે અને સાથે સાથે LPG કામગીરીમાં ગ્રાહક સુરક્ષાને કેન્દ્રસ્થાને રાખે છે.
‘ઝીરો કા દમ’ હેઠળ આપવામાં આવતી ગ્રાહક ખાતરીનો હેતુ આ પ્રતિબદ્ધતાને વધુ સ્પષ્ટ બનાવવાનો છે. ડિલિવરીના સમયે જો સિલિન્ડરમાં વાસ્તવિક ખામી જોવા મળે તો મફત રિફિલ આપીને, ભારતગેસ ગ્રાહક સાથેના અંતિમ સંપર્કના તબક્કે ગુણવત્તા અને વિશ્વસનીયતાને આપવામાં આવતા મહત્વને વધુ મજબૂત બનાવી રહ્યું છે.
આ પહેલ રાજકોટ શહેર સહિત પસંદગીના શહેરોમાં શરૂ કરવામાં આવી છે. તેને ધીમે ધીમે અન્ય સ્થળોએ પણ લાગુ કરવામાં આવશે.
ઝીરો ડિફેક્ટ. પરફેક્ટ અનુભવ.
